اعملفورمةحياتك..
من غير ما تأثر على دراستك

"السلام عليكم هو أولا أنا حابب أشكرك يا نور على كل حاجة عشان انت مقصرتش معايا من ناحية التواصل والتمرين والدايت اللي هو الصراحة بيتميز بالمرونة بحيث انه مش بيلزمك بأكلة معينة و غير كدا مرونة موضوع التمرين يعني مثلا كنت بتساعدني اني مثلا أقدر أتمرن في البيت لو مش فاضي أنزل الجيم، وغير كدا انت كنت مش بتتأخر عليا اول مكان يحصل معايا مشكلة سواء في الدايت أو التمرين، وكمان عندك الإضافات بتاعت التطبيق اللي أنت عملته جامدة الصراحة والله دا مش مجاملة، يعني مثلا الدايت بقدر أعلم أنا أكلت ايه وأعرف أنا أكلت كام وجبة، وبارضو منبة المية اللي ع التطبيق دا بصراحة جميل عشان انا اصلا كنت بنسى أشرب مية 😅، والتحديث الحالي بتاع التطبيق جميل وعجبني فيه وضع التركيز والعادات وإن شاء الله القادم أفضل وبالتوفيق يا نور. والله أنت كنت من أفضل المكاسب في حياتي ي صديقي 🫶❤"

"والله العظيم الحمدلله بفضل من الله ثم من حضرتك لقيت تطور رهيب اخر فتره ومتابعه حضرتك ليا ووقفتك معايا وصلتني للمستوي العالي دا. شكرا جدا علي كل مجهود بذلته معايا ومش عارف اشكر حضرتك بايه.. الحمدلله وصلنا لمستوي خرافي في اقل وقت ممكن. شكرا علي المتابعه الدقيقه والاهتمام بكل تفصيله ده بيفرق اوي وبيخليني دايما عاوز اكون احسن، توجيهاتك وتعديلك علي الفورم خلوني اتطور ف وقت قصير ممتن جدا ليك ❤️"

"حبيب قلبي يا كوتش و الله يعني انت مش بس ساعدتني ف تغيير شكل جسمي بس انت كمان كنت اخ ليا.. وبجد فرق تطور رهيب. والي يقولك رجاله الساينس بيزد مش بيعملو عضلات يبقى مش بيفهم حاجه ❤️❤️😍"

"تمرين معمول حسب وقتك ونظام حياتك 😊 + نظام غذائي متوازن كان محسوب بالظبط و كمان على قد الميزانيه 😍 + المتابعه يوميا و أول بأول بصراحه 🔥 + نظام تمرين كان مريح وواضح و مش معقد ❤️"

"اولا انا حابب اشكرك يا كوتش على نظام المتابعه سواء تمرين او دايت. لاحظت زياده العدات والاوزان كل اسبوع تقريبا ولاحظت تطور شكل الجسم من تالت شهر ودا بسبب توفيق ربنا ثم متابعتك معايا. ودا رغم سنك الصغير بس اللهم بارك خبرتك في التمرين مش قليله ابدا والدليل على كدا اني وصلت ل شكل جسم كويس، وبالنسبه للدايت ف هو كان حلو خالص ولذيذ.. ربنا يوفقك في اللي جاي ي رب 👍🏻🤍"

"حقيقي بصراحة انا مش عارف ابدأ كلامي منين بس م/ نور ساعدني بشكل حقيقي وساعدني جدا في ان وزني ينزل أكثر من 30 كيلو! فحسيت بتغير جذري في حياتي و في كل روتيني اليومي وحقيقي مبسوط من نفسي جدا وحاسس بأنجاز حقيقي. كتلتي العضلية بفضل متابعة م/ نور ذادت بشكل كبير عن الطبيعي فبقيت احس بنشاط وحيويه.. وبجد شكرا انا استفدت جدا وحقيقي برنامج المتابعه الشخصية ساعدني بشكل لا يُوصف ودا فضل ونعمة من عند ربنا 🌹❤️"